Kwara State University Employee Directory

My Publications
S/N	Title	Abstract	Authors	Volume Numbers	Publication Type	Publication Date	Link
1	Atungbeyewo Igbese Iyopo Faweli Ninu Ede Yoruba: Eri lati Inu Oruko Ajemo Ibi ati Eni	Iṣẹ́ ìwádìí yìí fi ojú ọ̀tun wo iyọ́pọ̀ fáwẹ̀lì gẹ́gẹ́ bí ìgbésẹ̀ fonọ́lọ́jì nínú èdè Yorùbá. Èróńgbà iṣé ìwádìí yìí ni láti lo ẹ̀rí láti inú àwọn orúkọ ajẹmọ́ ibi àti orúkọ ajẹmọ́ ẹni fi ìdí ìjẹyọ ìyọ́pọ̀ fáwẹ̀lì pẹ̀lú ọ̀nà tí ó ń gbà wáyé nínú èdè Yorùbá múlẹ̀. Ọ̀nà méjì ni a gbà ṣàkójọ àwọn èròjà àmúkalẹ̀ fáyẹ̀wò wa: láti inú iṣẹ́ àwọn onímọ̀ ìṣáájú àti àgbàsílẹ̀ àwọn wúnrẹ̀n ọ̀rọ̀ láti ọ̀dọ̀ àwọn abẹ́nà ìmọ̀ wa. Tíọ́rí tí a ṣàmúlò fún ìtúpalẹ̀ nínú iṣẹ́ ìwádìí yìí ni tíọ́rì onídàrọ èyí ti Chomsky àti Halle (1968) ṣe agbátẹrù rẹ̀. Kókó ohun tí a rí fàyọ nínú iṣẹ́ ìwádìí yìí ni pé ìyọ́pọ̀ fáwẹ̀lì wà gẹ́gẹ́ bí ọ̀kan lára àwọn ìgbésẹ̀ fonọ́lọ́jì inú èdè Yorùbá, tí ìjẹyọ rẹ̀ sì fi ojú hànde nínú ìṣẹ̀dá àwọn orúkọ ajẹmọ́ ibi bí i ‘Eréko’, ‘Akèètàn’ àti ‘Ògbómọ̀ṣọ́’. Ìjẹyọ ìyọ́pọ̀ fáwẹ̀lì tún fi ojú hàn nínú ìṣẹ̀dá àwọn orúkọ ajẹmọ́ ẹni bí i ‘Adénúgà’, ‘Awónúgà’, ‘Awónúsì’, ‘Oyènúsì’, ‘Ọmọ́ruyì’ abbl. Ní ìkádìí, a rọ àwọn aṣèwádìí nínú ìmọ̀ ẹ̀dá-èdè láti túbọ̀ tẹpẹlẹ mọ́ fífi ìmọ̀ fonọ́lọ́jì àti àwọn ẹ̀ka ìmọ̀ ẹ̀dá-èdè tó kù bí i mọfọ́lọ́jì, síńtáàsí, sẹ̀máńtiìkì abbl.ṣe ìtúpalẹ̀ àwọn orúkọ Yorùbá nítorí ọ̀pọ̀ ohun tí ó farasin nínú èdè ni irú iṣẹ́ ìwádìí bẹ́ẹ̀ le tú síta. Kókó Ọ̀rọ̀-Fonọ́lọ́jì, Ìgbésẹ̀ fonọ́lọ.jì, Tíọ́rì Onídàrọ, Fáwẹ̀lì Àmúwọlé, Fáwẹ̀lì Àmújáde	Ridwan Akinkunmi RABIU	10	ILORIN JOURNAL OF LINGUISTICS LITERATURE AND CULTURE	2020-06-10

Ridwan Rabiu

Total Publications : 3